અરવલ્લીના ધનસુરામાં સગીરા સાથેના જાતીય ગુનામાં આરોપીને 20 વર્ષની સખત કેદ

કિરણ વાઘેલાને કોર્ટે દોષિત ઠેરવી ફટકારી સજા; ધનસુરા પોલીસની તપાસ બાદ ન્યાયિક કાર્યવાહી

ધનસુરા, અરવલ્લી:

અરવલ્લી જિલ્લાના ધનસુરા તાલુકામાં સગીરા સાથે જાતીય ગુનો આચરવાના કેસમાં કોર્ટે મહત્વપૂર્ણ ચુકાદો આપ્યો છે. આ કેસમાં 27 વર્ષીય આરોપી કિરણ વાઘેલાને દોષિત ઠેરવીને 20 વર્ષની સખત કેદની સજા ફટકારવામાં આવી છે.

પ્રાપ્ત વિગતો અનુસાર, ધનસુરા પોલીસ સ્ટેશનમાં નોંધાયેલા આ કેસમાં આરોપીએ સગીરાનો વિશ્વાસ જીતી તેની એકલતાનો લાભ લઈને અવાવરું જગ્યાએ તેની સાથે જાતીય ગુનો આચર્યો હોવાનો આરોપ હતો. આ બનાવ અંગે પીડિતાના પરિવારજનો દ્વારા ફરિયાદ નોંધાવવામાં આવ્યા બાદ ધનસુરા પોલીસે ગુનો નોંધી કાયદેસરની તપાસ હાથ ધરી હતી.

પોલીસ દ્વારા કરવામાં આવેલી તપાસ અને ત્યારબાદ હાથ ધરાયેલી ન્યાયિક કાર્યવાહીના અંતે કોર્ટે આરોપીને દોષિત ઠેરવી 20 વર્ષની સખત કેદની સજા સંભળાવી હતી.

સગીરાઓ સામેના જાતીય ગુનાઓમાં કાયદેસરની કાર્યવાહી અને ન્યાયિક પ્રક્રિયા કેટલી મહત્ત્વપૂર્ણ છે, તે આ કેસ ફરી એકવાર ઉજાગર કરે છે.

જયંતિ પરમાર સાબરકાંઠા